Тетюшские зори
  • Рус Тат
    • Җәмгыять

    Хуҗасыз хайваннар темасы укучыларыбызны борчуны дәвам итә

    Редактор, 8 июль 2015 - 10:20
    536
    0
    0

    "Тәтешлеләр газетада һәм Интернетта "начар хайваннар" турында еш язалар. Андыйлардан: "Ә сезнең кайчан да булса без нинди дип уйлап караганыгыз булмадымы? Нигә без әлеге "начар хайваннар" булмасын өчен бернинди дә чара күрмибез?" - дип сорыйсы килә. Хайваннар да безгә, үзләренең өлкән туганнарына охшый баралар.

    Без аларга нинди мөнәсәбәттә булсак, алар да шулай җавап бирәләр. Башта мәче яки эт баласы алып, шуннан соң, үсеп җиткәч, аларны ничек итеп ташларга яки куып чыгарырга мөмкин? Яисә әби кеше кунакка кайткан оныкларына тере уенчык ала да, алар шәһәргә киткәч, урамга куып чыгара.
    Әйдәгез, игелекле булыйк! Хәзерге вакытта, әгәр кирәк икән, хайваннарны, үрчемәсеннәр өчен, стерильләштерергә мөмкин, тик урамга гына ташламаска.
    "Ни чәчсәң, шуны урырсың", - ди халык мәкале. Башта үзеңне "тәртипкә" китерергә кирәк, шуннан соң ташландык хайваннардан "сорарга". Аларның бары тик ашыйсылары һәм кешеләрнең җылы мөнәсәбәтләрен генә күрәселәре килә".
    Чүп контейнерларында ташландык мәче балалары чыелдап яталар... Аларны шунда ыргытырга кемнең йөрәге җиткән? Яшь буынны шулар мисалында тәрбиялибез һәм, шул ук вакытта, картайган ата-аналарын язмыш кочагына ташлаган балалар каян килә дип аптырыйбыз.
    Ваемсызлык, тупаслык, рәхимсезлек арта төште.
    Тагын бер хаттан юллар китерәм. Ул да шулай ук тәрбия темасына. Тәтештән укучыбыз Илгизәр Галиев яшь ата-аналарның кемнәрне үстерүләре турында уйланырга тәкъдим итә.
    "Ни өчен кайбер балалар җимерә, чүпли һәм юк итә генә беләләр? Нигә бер генә дә матур эшләр кылмыйлар? Чөнки аларны моңа өйрәтмиләр. Димәк, аларның үзләрен дә өйрәтеп үстермәгәннәр. Ә инде азрак үсә төшкәч, аларны урам тәрбияли. Кардан ясалган сыннарны җимерергә ярамаганлыгын әти-әниләре аңлатмаганнар. Аларны "җиңү" - батырлык түгел, ә хулиганлык. Яшәве матур һәм уңайлы булсын өчен чәчәкләр, агачлар утырталар, урамнарны төзекләндерәләр. Шуларны балаларга сөйләргә, аңлатырга кирәк. Әгәр инде гаиләдә андый гадәт юк икән, димәк, ата-аналар үзләре дә тиешле тәрбия алмаганнар. Урамнарыбыз матур булсын өчен шәһәрдә яшәүчеләрнең барсының да (хәлләреннән килүчеләрнең) чәчәк үстерү белән шөгыльләнүләрен таләп итәсе иде".
    Кешеләр газетага шундый хатлар язалар икән, димәк, алар якташларының шәфкатьлерәк, мәр­хәмәтлерәк булуларын тели­ләр. Барыбыз да уйлап карыйк әле: якыннарыбызны, үз өебезне, авылыбызны, шәһәребезне их­ластан яратабыз микән?

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Тетюшские зори. Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Тетюшские зори
    № свидетельства о регистрации СМИ, дата: серия Эл № ФС77-73780 от 28 сентября 2018 г.
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: и.о. руководителя Калашникова Елена Викторовна
    Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
    Электронная почта редакции: avangard@tatmedia.com
    Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
    Для сообщений о фактах коррупции: tetuch_awangard@rambler.ru
    сетевое издание
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+