Тәтеш таңнары

Тәтеш районы

Рус Тат
Җәмгыять

Иң мөһиме – авырлыклардан курыкмаска

Таһир Абдуллин крестьян-фермерлык хуҗалыгы белән икенче ел җитәкчелек итә. Корреспондентларыбыз аның Чолы авылындагы атлар фермасында булдылар. Кунакларны ачык йөз белән каршылап, ул үзенең хуҗалыгы турында сөйләде һәм киләчәккә планнары белән уртак­лашты.

Авыл хуҗалыгында зур тәҗрибәсе булган, эшен яңа башлап җибәргән фермер атчылык һәм үсемчелек белән шөгыльләнә (аның карамагында - 360 гектар бөртекле һәм азык культуралары чәчелгән җир).

Бүгенгесе көндә терлекләр абзарында утыз ат бар. Ат фермасының төп юнәлеше - итчелек. Ат ите белән бергә киләчәктә казылык та җитештерү теләген тормышка ашырырга ниятли.
- Ел ахырына атларның баш санын 60ка кадәр җиткерергә уйлыйбыз, - диде җитәкче.

Ферма 150 башка исәпләнгән. Без аны бар көченә эшләтергә тиеш. Киләсе елга кимендә 30 тай булдырыр өчен, бияләр сатып алыр­га кирәк. Аның фермасында әлегә 15 бия бар.
Ферма территориясен төзекләндерү дәвам итә, ул койма белән әйләндереп алыначак һәм яктыртылачак.

- Атлар юештән һәм үтәли җилдән куркалар, боларны булдырмыйча, күп кенә проблемалардан качарга мөмкин, - ди фермер.
Терлекчелектә туклыклы азык та бик мөһим булып тора. Шуның өчен дә фермер күпьеллык үләннәрнең мәй­данын зурайтырга тели һәм киләсе елга печән әзерләр өчен өстәмә судан үләне чәчергә уйлый. Әмма азык белән тәэмин итү җир мәйданнарыннан, куел­ган хезмәттән генә түгел, шулай ук һава торышының ничек булуыннан да тора. Иң мөһиме - авыр­лыклардан курыкмаска кирәк, дип саный Таһир Заһир улы. Өстәвенә рес­публика, җирле хакимият материаль һәм мораль яктан зур ярдәм күрсәткәндә. "Фермерлык хуҗалыгы белән шөгыльләнү өчен бөтен шартлар тудырылган, - дип өсти ул, - ә калганы кешенең теләгеннән һәм кәефеннән тора".

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев