Игътибарсыз калмасын өчен

(Тәтеш, 14 август, "Тәтеш таңнары").  Без Бисяркага рәхмәтле” дигән язма басылгач, безгә Олы Бисәрдән Мария Романова шалтыратты.

“Район гәҗитен озак еллар яздырабыз. Аның бер санында без ирем белән Анатолий Адайкинның флотта хезмәт иткән якташлары турындагы хатирәләрен укыдык. Олы Бисәрдән тагын 3 кешене әйтеп үтәсе килә. 1942 елда туган Валентин Романов Мурманскийда су асты көймәсендә хезмәт итте. Хезмәтеннән соң шунда ук калды да,  хәзер Белгородта яши. 1945 елда Борис Кувшинов белән Владимир Янышев бергә елга техникумында укыдылар. Аны тәмамлагач, Борис Хабаровскийда хезмәт итте, аннары Амур буйлап суднолар йөртте, ә менә Владимир кайда хезмәт иткәнлеген  белмибез, бары тик флотта икәнлеге генә билгеле”, – дип уртаклашты Мария ­Кирилловна.