Их, Тәтештә утырырга урын булса...

"Хастаханәгә еш барырга туры килә. Өйдән анда кадәрге ара якын түгел, һәрчак такси чакырту да кыйммәткә төшә, шуңа күрә җәяү йөрим. Ә ял итәр өчен урын юк, эскәмияләр бары тик шәһәр үзәгендә генә, "Гастроном" каршында һәм буа янында. Барып җиткәнче бик тә арыйм, ял итеп, сулыш алыр өчен юл уңаенда урнашкан банкка, кибеткә керергә туры килә. Шәһәрдә берничә урынга эскәмияләр куйсалар бик тә әйбәт булыр иде. Пенсионерларның күбесе мине хуплар дип уйлыйм".