“Илюша”ны да терелттеләр

Редактор, 6 июль 2016 - 04:34

"Чайка" балалар сәламәтләндерү лагерендә "Имин каникуллар" акциясе узды.

Балалар янына Буа электр челтәрләре компаниясе вәкилләре килделәр. Алар белән бергә кулларын бинтка чорнаган Карлсон да бар иде. Баксаң, шукланып люстрада чайкалып утырган һәм җәрәхәт алган икән. "Яраткан кайнатма белән чәй эчәргә теләдем һәм электр чәйнеген сүндерергә онытканмын, чак кына янгын булмый калды, шулай булгач сез дә электр җиһазлары белән сак булыгыз", - дип кисәтте ул балаларны.

Буа электр челтәрләре учреждениесенең яшьләр комитеты хезмәткәрләре Николай Рыбаков белән Гөлчәчәк Шәрәфиева лагерьдә тәрбияләнүчеләргә электр җиһазлары белән ничек итеп дөрес файдалану, көнкүрештә һәм урамда үзеңнең иминлегеңне ничек булдыру турында гади һәм аңлаешлы мисаллар китерделәр.

Әкият герое белән бергә алар "Ярый яки ярамый" уенын уйнадылар һәм электр тогының дус була алуын, әгәр инде аны файдалану кагыйдәләрен белмәсәң, ул чакта фаҗига килеп чыгарга мөмкин булуын әйттеләр.

Тизлеккә һәм җитезлеккә уздырылган мавыктыргыч ярыш балаларга үзләрен энергетиклар итеп тоярга мөмкинлек бирде. Беришләре ярышкан арада, башкалар төсле акбурлар белән асфальтка электр куркынычсызлыгы тамгаларының рәсемнәрен ясадылар.

"Өзелгән тимерчыбыклар күрсәң, аңа якын килергә ярамый. Өчпочмак эчендә сурәтләнгән яшен тамгасы куркыныч янавы турында кисәтә", - дип аңлатты Ирина Кулумбетова. Валерий Сурковның "зыян күрүчегә" беренче ярдәм күрсәтүе балаларны бигрәк тә кызыксындырды.

"Мин дә телим!" - диде Игорь Врясов. Ул бик тырышты, һәм белгеч күзәтүе астында "Илюша"ны тормышка кайтарды.

"Чайка"да тәрбияләнүчеләрнең барсы да активлыклары өчен лаеклы призларын алдылар. "Җәйге каникул көннәрендә бүгенге акция аеруча да көнүзәк, чөнки барыбыз да электр энергиясеннән актив файдаланабыз. Ә мәктәп укучылары компьютердан, ноутбуктан, телевизордан башка үз тормышларын күз алдына да китерә алмыйлар. Белгечләр көнкүрештә электр җиһазлары белән эшләүнең төп кагыйдәләрен аңлаттылар. Бу әңгәмә һәркемгә дә файдалы булачак дип уйлыйм", - диде педагог-тәрбияче Елена Куранова.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2021. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 59
Электронная почта редакции: avangard@tatmedia.com
Телефон редакции: (84373) 2-54-95, (84373) 2-53-80 (рекламный отдел), 2-53-84 (корреспонденты)
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+