Көч – команданың бердәмлегендә

(Тәтеш, 21 ноябрь, "Тәтеш таңнары, Мәдинә Ибәтуллина, Наталия Фролагина фотосы).Тәтеш дәүләт гражданнарны яклау көллиятенең компетенцияләр махсус үзәгендә һөнәре буенча иң яхшылар исеме өчен 11 команда ярышты. Алар арасында – Казан, ТР Кама Тамагы  районы мәктәпләре укучылары, Тәтешнең өстәмә белем бирү үзәге һәм кадет мәктәп-интернаты шәкертләре бар иде. Пермьнән килгән студентларның җыелма ­командасы зачеттан тыш ярышты. Үсмерләр ярышында беренче тапкыр бары тик мәктәп укучылары гына катнаш­ты.

ТР гражданнар оборонасы һәм гадәттән тыш хәлләр эшләре буенча министр урынбасары Николай Суржко чемпионатны ачуда катнашучыларга сәламләү сүзендә болай дип билгеләп үтте: “Эшче һөнәрләр чемпионаты – һөнәри үсеш һәм алгарыш мөмкинлеге бирә”. 

Белгечлекләре буенча иң яхшылар өч көн дәвамында билгеләнде. Студентлар-коткару­чылар альпинизм һәм тиешле җайланмалар белән эшләү, зыян күрүчеләргә беренче ярдәм күрсәтү, асылмалы кичү юлы оештыру, йөрәк-үпкә реанимацияләре биремнәрен үтәү, янучан сыеклыкларны сүндерү, “җимерек­лекләр” булганда гадәттән тыш хәлләр зонасында авария-коткару эшләрен үткәрү буенча гамәли күнекмәләрне күрсәтте. Командалар – катнашучылар яхшы әзерлекле булуларын, югары дәрәҗә­дәге осталыкларын күрсәтте.

Бәйге биремнәре катнашучыларның ныклыгын, һөнәри осталыгын гына тикшереп калмыйча – нәтиҗәләрне экспертлар, хөкемдарлар да бәя­ләде. Ярыш барышын  катнаш­учылар үз­ләре дә, укытучылар, студентларның туганнары, шәһәр мәктәпләре укучылары арасындагы тамашачылар да дулкынланып кү­зәтте.

“Ярышлар уздыруда волонтерлар, көллиятнең барлык бүлек студентлары, зур ярдәм күрсәтте. Егет-кызлар ашханәдә булыштылар, чисталыкны тәртиптә тоттылар, фоторәсемгә төшерделәр, Чемпионат кунакларына ял сәгатьләре оештырдылар”, – дип уртаклашты көллият педагоглары.

Чемпионатта катнашучылар бер­берсе белән таныштылар, аралаш­тылар, элемтәгә керү мәгълүматларын алыштылар, шәһәр һәм му­зейлар буйлап экскурсия ясап, ­Тәтешне үзләре өчен кызыксынып ачтылар. Пермьнән килгән  команда вәкиле, “Россия Ворлдскиллс” берлегенең сертификацияле эксперты Ольга Драманова чараның яхшы оештырылганлыгын билгеләп үтеп, болай диде: “Төрле төбәкләрдәге вәкилләрнең бер-берләренә кунакка йөрүе – бу тәҗрибә, үзара эшләү һәм дуслык!”

Тантаналы тезелү һәм ярышны ябу кысаларында нәтиҗә ясау өченче  көннең финал ноктасы булды. Тәтешнең гражданнарны яклау көллиятендәге курсантлар-яшь профессионаллар үзләренең югары әзерлек һәм осталык дәрәҗәсен раслап, чемпионатта алтын яуладылар. Яшүсмерләр арасында Тәтешнең кадет мәктәп-­интернаты командасына тиңнәр бул­мады. Алда “Яшь һөнәр ияләре” ­чем­пионатының киләсе этабы.