Җәмгыять
Күңелле һәм өметле фараз
Райбашкарма комитетының ЗАГС бүлегендә 23 майга 74 сабый теркәлгән.
Кызлар активрак булып чыккан: алар малайларга караганда 40ка күбрәк туган. Ачыкланганча, тәтешлеләрдә киң таралган исемнәр: ир балалар - Булат, Раян, Сәйдәш; кызлар - Дилбәр, Самира, Ильвина. Әти-әниләр үз балаларына элекке исемнәрне дә кушканнар: Габдрахман, Вәкил, Ислам.
ЗАГС хезмәткәрләре үзенчәлекле исемнәрне дә билгеләп үттеләр: Раяз, Амелия, Индира. "Сабыйлар һәрвакыт туып торсын. Сәламәт, бәхетле булып, якыннарын, тәтешлеләрне һәм бөтен дөньяны сөендерсеннәр", - диде райбашкарма комитеты ЗАГС бүлеге начальнигы Лариса Дианова. Фаразлар өметле һәм күңелле: статистика буенча узган елның 4 аенда 59 бала туу теркәлсә, быел - 68.
Следите за самым важным и интересным в Telegram-каналеТатмедиа
Нет комментариев