Тәтеш таңнары

Тәтеш районы

18+
Рус Тат
2024 - год Семьи
Җәмгыять

Келәш җирлегендә яшәүчеләр файдалы һәм кү­ңелле гамәлне берләш­терделәр

Үзләрен борчыган мәсьә­ләләрне тикшергәнче, башта алар Тонш­ерма мәктәбе укучылары әзерләгән концерт програм­масын карадылар.

Тоншермалыларны үзара салым хисабына салынган юлның сыйфаты борчый. Вак таш урынына йомрыларын салдылар дигән сүзләр дә ишетелде. Җирлек башлыгы Илдар Халиков аларны тынычландырды: "Башкарылган эшләрне кабул иткән комиссия ташның маркасы һәм фракциясе туры килә дигән нәтиҗә чыгарды һәм катлам калынлыгы да биш санти­метр­дан ким түгел. Тагын 70 тонна материал китерелде, подряд оешмалары белән әлегә тулысынча исәп-хисап ясамадык, акча бар. Эшләр дәвам иттереләчәк".
Җирлектә 177 йортка стационар телефон кертелсә дә, тиздән кәрәзле телефон белән сөйләшү мөмкинлеге халык өчен озак көтелгән бүләк булачак.
Җирлек территориясендә "Ш. И. Хөсәенов" КФХ хуҗалык эшчәнлеген уңышлы алып бара. Узган ел ул 4582 тонна ашлык, 501 тонна сөт, 51 тонна ит җитештергән, 32 миллион 711 мең сум акча кереме алган. Шәүкәт Хөсәенов агымдагы елда шикәр чөгендере һәм көнбагыш игү хисабына керемне арттыруны планлаштыра. 100 бозауга ябык һәм шул кадәр малга тышкы абзар төзелгән, фермага кадәр 400 метрда каты өслекле юл салынган, 2016 елда механикалаштырылган ындыр табагы, складлар һәм трактор паркы территорияләренә илтүче юллар төзекләндереләчәк. Сөт җитештерүне күтәрү өчен тана бозаулар санын арттырачаклар.
Җитәкче билгеләп үткәнчә, КФХ эшчәннәре, җирлектә 70тән артык кеше шунда эшли, көндә­лек авыр хезмәтләре өчен һәртөрле мактауларга лаек. Юбилярларга ул котлау открыткалары һәм кыйммәтле бүләкләр тапшырды.
"Үз авылыгыз, урамыгыз, күлегез, иминлегегез, якташларыгыз хакында борчылуыгыз өчен рәхмәт. Бу бик тә матур сыйфат һәм шулай булыр­га тиеш тә. Республикабыз Хөкүмәте дә авылда яшәүчеләр хакында даими кайгыртучанлык күрсәтә: балаларыгызга төпле белем һәм тәрбия бирү өчен Тоншерма мәктәбендә ремонт бара. Ә халыкның мәдәни һәм рухи үсеше өчен авыл мәдәният йорты яңарты­ла. Әгәр хакимият һәм халык бер-беренә булышлык күрсәтсә, бөтен проблемалар да хәл ителерлек, ә моның өчен референдумны уңышлы үткәрү һәм үзара салым буенча Президент программаларында катнашу зарур", - дип мөрәҗәгать итте җирлек халкына район башлыгы Рәмис Сафиуллов.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X