“Хәвеф-хәтәр” булмый калды

(Тәтеш, 21 сентябрь, "Тәтеш таңнары", Сиринә Сәйфетдинова). “Мәктәп укытучылары тарафыннан укучыларны бинадан эвакуацияләү оештырылды. Барлык укучылар һәм педагоглар сигнал булуга эвакуация юлы аша мәктәп бинасыннан тиз арада чык­тылар, – дип хәбәр иттеләр авыл мәктәбеннән. – Әлеге чара гадәттән тыш хәлләрдә яки янгын яисә башка күңелсез очраклар булганда балалар һәм мәктәп хезмәткәрләренең күнектерү биремнәрен камилләштерү максатыннан оештырылды. Тулаем алганда мәктәп коллективы да, балалар да кирәкле барлык күнегүләрне дөрес итеп үтәүләрен тагын бер кат раслады. Шулай итеп “хәвеф-хәтәр” булмый калды”.