“Әкият” балалар бакчасында “Герой – шагыйрь” дип исемләнгән тематик дәрес үтте

(Тәтеш, 18 февраль, “Тәтеш таңнары”). 17 февраль көнне “Әкият” балалар бакчасында татар теле тәрбиячесе Абдерахманова А.В. мәктәпкә әзерлек төркеме балалары белән Муса Җәлилнең тууына 114 ел тулуга багышланган “Герой – шагыйрь” дип исемләнгән тематик дәрес үткәрде.

Әнүзә Вилдан кызы балаларны шагыйрьнең биографиясе һәм авыр тормыш юлы белән таныштырды. Педагогның сөйләве матур презентация белән үрелеп барды.

Балалар бик теләп шагыйрьнең “Әтәч” әсәрен сәхнәләштерделәр. Чара ахырында балалар Муса Җәлил шигырьләрен укыдылар.