Тетюшские зори
  • Рус Тат
  • Коллективның хуплавы ярдәм итә

    “Ел тәрбиячесе” республика күләмендәге һөнәри бәйге бөтенроссия бәйгесе кысаларында уза.

    (Тәтеш, 27 ноябрь, “Тәтеш таңнары”). “Ел тәрбиячесе-2020” республика бәйгесенең муниципаль этап нәтиҗәләре буенча, “Әкият” балалар бакчасы тәрбиячесе Наталия Крупина муниципаль этапта җиңү яулады һәм зона этабында катнашты; “Каенкай”дан ­Наталья Трофимова “Ел тәрбиячесе-2020” бәйгесенең муниципаль этап призеры һәм зона этабы катнашучысы булды; “Башаккай”дан яшь педагог Ләйсән Каюмова бәйгенең муниципаль этабында призер дип ­танылды. 

    Татьяна Политавина, район башкарма комитеты мәгариф бүлегенең мәктәпкәчә белем бирү методисты: “Миңа, методист буларак, һөнәри осталык бәйгесе һәрвакытта һәрбер бәйгечене элек билгеле булмаган яктан ачу белән бәйле. Районыбыз педагоглары – кызыклы тәкъдимнәр һәм идеяләр капчыгы, һәм инде балаларның яңалыкны танып белүдән шатланып балкыган күзләрен күргәч, аларның һәркайсы өчен горурланасың”.

    Наталия Крупина (рәсемдә): “Үземнең эш тәҗрибәсен бәйгегә тәкъдим итү идеясе баштан ук килде, әмма йокысыз төннәр һәм дус коллективның ярдәменнән башка гына булдырып чыгып булмады, әлбәттә. Һөнәри осталык бәйгесендә катнашу: яңа эш алымнарын, белем бирү эшчәнлегенең заманча төрләрен күрергә, яңа танышлар, хезмәттәшләр белән аралашырга зур мөмкинлекләр бирә, чөнки бәйгечеләрнең барысы да – иҗади педагоглар, үз эшенең чын осталары”.
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: