Компьютер белеме буенча конкурсның финал этабы

(Тәтеш, 28 май, "Тәтеш таңнары"). 22 майда пенсионерлар арасында компьютер белеме буенча “Компьютер Land: “Өченче яшь - 2020 ел” конкурсының финал этабы узды.

Онлайн режимында бу конкурста пенсионерлар берлегенең Тәтеш бүлекчәсе әгъзалары Зотова Г.П. һәм Болденков А.А. катнашты.

Россия Пенсионерлар берлеге оештырган “Компьютер грамоталылыгы” курсы кысаларында алган күнекмәләр конкурсантларга бирелгән вакытка сыешып, биремнәрне уңышлы үтәргә ярдәм итте.