Комсомолга сорау бирми генә кабул иттеләр

(Тәтеш, 10 ноябрь, Тәтеш таңнары).  Шушы араларда редакциягә Тоншермада яшәүче 78 яшьлек Клавдия Кутяшова шалтыратты. “Район гәҗитендә комсомол турында мәкалә укыдым, һәм минем дә үземнең хис-кичерешләрем белән уртаклашасым килде. Мин “Путь Ильича” колхозында секретарь булып эшләдем һәм ВЛКСМ сек­ретаре дә идем. Яшьләрне башта комсомолга җирлектә кабул иттеләр, ә аннары шәһәргә, комсомол райкомына алып бара башладылар. Кабул итәр алдыннан кандидатлар комиссия сорауларына җавап бирергә тиешләр иде. 1964 елда комсомолга 1 майда кабул иттеләр. Алар арасында Нина Урмаева да бар иде, бу көнне аның туган көне булганлыктан, аны комсомолга сораулар бирми генә кабул иттеләр”, – диде Клавдия Андреевна.