Күпьяклы сәламәтлек саклау объекты булдырылган

(Тәтеш, 20 гыйнвар, “Тәтеш таңнары”). “Олы Шәмәктәге һәм күрше авыллардагы якташларым Тәтеш районы башлыгы Рәмис Хатыйпович ­Сафиулловка бәяләп бетергесез яңа ел бүләге – беренче класслы модульле табиб амбулаториясенең вакытыннан алда файдалануга тапшырылуы өчен ихлас рәхмәт белдерәләр. Авыл кешеләре торак пунктларны төзекләндерү буенча башкарылган зур эшләрне югары бәялиләр. Кошки-Новотимбаевода И. Я. Яковлев юбилее уңаеннан булган тантанада район башлыгы тарафыннан болай дип әйтелгән иде: “Киләсе объект Олы Шәмәк булачак”. Килеп туган икътисади һәм эпидемиологик шартларга да карамастан, кыска вакыт эчендә күпьяклы сәламәтлек саклау объекты – авыл үзәгендә сәламәтлек йорты төзеп куйдылар.
Тәтешлеләр район башлыгының президент прог­раммаларын тормышка ашыру буенча башкарылган зур эшләрен күрәләр, аларның төп юнәлеше, Президентыбыз Рөстәм Нургалиевич Миңнеханов белдергәнчә, халыкның җитешлеген арттыру”, – дип яза Николай Сорокин.