Кызыл Йолдыз турындагы китап дөнья күрде

(Тәтеш, 21 ноябрь, “Тәтеш таңнары”).  Таркалган торак пунктның юкка чыгуы хакындагы “Сүнгән йолдыз” басмасы зур хезмәт кую нәтиҗәсендә дөньяга басылып чыкты. Аны барлауга иҗтимагыйчы-туган якны өйрәнүче Милица Иванова белән Тәтеш автомәктәбенең инструктор-методисты Олег Евсеев зур көч куйды. “Архив материаллары белән эшләргә, поселокта туып-үсүчеләрне эзләргә, алар белән очрашырга, әңгәмә корырга туры килде. Мәгълүматлар чиктән тыш аз иде, чөнки торак пункт район картасыннан узган йөз еллыкның 50нче елларында алынган”, – дип уртаклашты Милица Николаевна.