Людмила Свидетелева: “Кешеләргә ярдәм итү мөмкинлеге булуына шатмын”

(Тәтеш, 20 июнь, "Тәтеш таннары", Руслан Багиров). Людмила Свидетелева Олы Шәмәк  амбулаториясендә процедура кабинетының шәфкать туташы булып утыз елдан артык эшли.

Ул Кече Шәмәктә туа, сигез сыйныф тәмамлый һәм әнисе киңәше буенча медицина училищесына укырга керергә була.

– Әти-әниемнең шундый яшь чагында Буага җибәрергә карар итүләренә гаҗәпләнәм. Тик, әлбәттә, ул вакытта күпләр шулай китә иде. Укырга ошый иде, бигрәк тә практиканы үз иттем. Төркемдә 12 малай бар иде, бу сирәк күренеш, әлбәттә. Дөрес, хәзер һөнәре буенча бик азлар гына эшли, – дип сөйли Людмила Николаевна.

Дипломлы белгеч булып Тәтеш районына кайта, Кече Тормыда фельдшер булып эшли башлый.
– Әти-әниләр өлкәннәр иде инде, аларга якынрак булырга тырыштым. Мөстәкыйль эшли башлагач, беренче вакытта куркыта иде. Иң гади укол ясарга да шикләндем. Әлбәттә, хәзер дә катлаулы хәлләрдә куллар калтырап тора, әмма моны җиңеп чыгарга өйрәндем инде, – ди Людмила ­Николаевна.
Кече Шәмәктән Кече Тормыга җәяү йөргән, хәер, арасы ерак түгел. Юлда очраган сай елганы кичеп чыгар өчен яр кырыенда куаклар арасында резина итек яшереп куелган булган.

Декрет ялыннан соң Олы Шәмәк табиблык амбу­лато­рия­сендә эшли башлый. Стажлы медицина хез­мәткәрләре ­Раиса Пушкарт, Лидия Лашманова һәм Галина Лашманова ярдәм итәләр. Беренче вакытта

Людмила Николаевна нәкъ менә аларга киңәш сорап мөрәҗәгать иткән.
Өч дистә елдан соң да ул, хезмәт юлы башындагы кебек үк, үз һөнәрен ярата.

– Кешеләргә файда ки­терә алуыма мин бик шат. Бик зур ярдәм булмаса да, тик кайчагында кешеләрнең гомере шуңа бәйле була, – дип йомгаклый Людмила ­Николаевна.