Машина яна башласа нишләргә?

Мондый очракларда граждан­нарның нинди чаралар күрә алуы турында безнең газета укучыларга Кама Тамагы һәм Тәтеш районнары буенча күзәтчелек эшчәнлеге бүлекчәсенең районара өлкән инспекторы Андрей Харитонов сөйли:

– Башта автомобиль хәрәкәтен туктатыгыз, двигательне сүнде­регез, тормозга басып, тәгәр­мәч­ләрне ручникка куегыз. Кичек­мәстән янгын сүндерүчеләрне 01, 112 телефоны буенча (кәрәзле телефоннан) чакырыгыз. Контактларны аерырга, ачкычны кабызу йозагыннан чыгарырга кирәк. Автомобиль­нең янгын куркынычсызлыгы шунда ки, салонда мәҗбүри рәвештә янгын сүндерү җайланмасы булырга тиеш. Янгын сүндергечне алып ялкын чыккан җиргә сиптерегез. Әгәр янгын сүндергеч бул­маса, ком, җир, калын чүпрәк, кием кулланырга да мөмкин. Шулай ук автомобильнең ялкын белән колачланган өлешләренә көч белән ташланган су пакеты да нәтиҗәле. Кышкы чорда климат температуралары түбән булу белән бәйле шартларны исәпкә алып, двигательне янучан материаллар белән каплау, шулай ук радиатор янына картон, фанер һәм башка материаллар кую ярамавына игътибар итегез. Әлеге киңәшләргә колак салмау мотор бүлегендә янгын чыгуга китерергә мөмкин.
Исегездә тотыгыз, янгын куркынычсызлыгы ка­гый­дәләрен үтәмәү төзәтеп булмаслык бәла-каза­ларга ки­терергә мөмкин.