Меңнән күбрәк тәтешле дөньякүләм “Татарча диктант – 2020” акциясендә катнашты

(Тәтеш, 1 октябрь, “Тәтеш таңнары”). Районның авыл, шәһәр мәктәпләре укучылары, укытучылары, мәгариф бүлеге, мәдәният учреждениеләре хезмәткәрләре, ветераннар, “ТАТМЕДИА” АҖ “Авангард” гәҗите редакциясе журналистлары һәм теләге булган һәркем Бөтен Татарстан белән бергә диктант язды. “Мин онлайн рәвештә узган акциядә катнашып, өйдә яздым. ТНВда туры эфирда профессор, филология фәннәре докторы Фоат Галимуллинның татар язучысы Ибраһим Газиның “Сыерчыклар” әсәрен укуын дикъкать белән тыңлап, тырышып яздым. Кыен булды димәс идем. Үземнең күпчелек дусларым кебек, мин дә биремне башкарып чыктым, дип уйлыйм”, – дип уртаклашты акциядә катнашкан Сания Сәмигуллина.