Мөһим кагыйдәләрне кабатлаганнар
“Форпост” үзәге педагог-оештыручысы Ләйлә Миннуллина Тәтеш татар урта мәктәбенең башлангыч сыйныф укучылары өчен файдалы чара үткәргән.
(Тәтеш, 21 гыйнвар, “Тәтеш таңнары”).
Балалар педагог белән берлектә салкында үз-үзеңне тоту кагыйдәләрен кабатлаганнар, куркыныч хәлләр һәм алар килеп туган очракта үз-үзеңне тоту турындагы белемнәрен ныгытканнар, шулай ук шәхси куркынычсызлык, җаваплылык хисе турында сөйләшкәннәр.
– Кышын саф һавада йөрү үзе бер рәхәт. Балалар кар явуын көздән үк түземсезлек белән көтә башлыйлар, чөнки кышын таудан чана шуарга, чаңгы белән йөрергә, кар манаралары һәм лабиринтлар ясарга була. Әмма күңелле мизгелләр аянычлы да тәмамлану ихтималы бар. Гади кагыйдәләр – кышын урамда йөрүнең күңелсез нәтиҗәләреннән сакланырга ярдәм итәчәк. Урамда, аеруча да салкын көннәрдә, үз организмыңа игътибарлы булырга кирәк, – ди Ләйлә Васыйл кызы.
Следите за самым важным и интересным в Telegram-каналеТатмедиа
Нет комментариев