Тетюшские зори
  • Рус Тат
  • Минераль су белән өч скважина инде эшли

    Олы Тархан читендәге зәңгәр койма артында нәрсәләр майтарылуы, хәтта җирлектә яшәүчеләрне дә кызыксындыра.

    Минераль су агызу цехы бүленеп алынган территориядә кызу эш май ахырында башланды.
    Өч йозак, ике койма, металл "йортлар" артында туры мәгънәсендә әйткәндә, кадерлеләрдән дә кадерле - эшләп торучы өч скважина белән минераль су. Булачак цехка трасса сузалар - су үткәргеч, ә металл каркаска, ул янгынга каршы эшкәртелү узган, цехның панель стеналарын беркетәләр. Ишегалдында - төзелеш материаллары, эшләүче техника, кирәкле әйберләр инде китерелгән - су өчен зур савытлар. "Идел суы-К" ҖЧҖ җитәкчесе Тимур Бердниковның бизнесын үстерү буенча планнары җитди һәм гаять зур. Киңлекләр тәэсирләндерә. Цех директоры вазифасына билгеләнгән Наил Маштыев сөйләгәннәрдән аңлавыбызча, цехның төзелеш бинасы - әлеге комплексның бары тик беренче карлыгачы гына әле. Бессоновода да скважина эшләп китәчәк, һәм, әлбәттә инде, производство мәйданнары артачак. Үләнле кыр уртасында төзекләндерелгән территория белән заманча производство булачагына әлегә ышануы авыр. Әмма күз алдына экологик чиста продукция килә, цех төзелешенең аклы-зәңгәрле буяулар белән ясалуы да очраклы гына түгел, инвестор хәтта техник суны файдалану төрен дә алдан уйлап куйган. Су беренче булып пыяла шешәләргә агызылачагын, тәгаен әйтә алабыз.
    Авыл халкы яңа төзелешкә битараф түгел, инвесторга эшче куллар кирәк булачагы аларга бик мөһим һәм тарханлылар да, бәлки, районның башка авылларында яшәүчеләр дә биредә үзләренә эш таба алырлар.
    Цехның беренче чиратын агымдагы елның дүртенче кварталына тапшыру планлаштырылган.

    Нравится
    Поделиться:
    Реклама
    Комментарии (0)
    Осталось символов: