Миңнеханов Ураза бәйрәме белән котлап видео урнаштырды

Татарстан Рәисе Рөстәм Миңнеханов үзенең телеграм-каналына язылучыларны Ураза бәйрәме белән котлады.

Республика җитәкчесе аларга иминлек, бәхет һәм сәламәтлек теләде. «Чын күңелдән Ураза гаете белән котлыйм! Иминлек, бәхет, сәләмәтлек телим», — диелгән котлауда.

Видеода Татарстан мәчетләрендә Ураза бәйрәмен әзерләү һәм бәйрәм итү, шул исәптән ТР мөфтие Камил хәзрәт Сәмигуллин катнашындагы өзек күрсәтелә, анда ул мәхәллә кешеләрен бәйрәм белән котлый.

фото: скриншот видео

Тулырак: https://tatar-inform.tatar/news/rostam-minnexanov-uraza-bairame-belan-kotlap-video-urnastyrdy-5886044