Мунча һәрчак кирәк

(Тәтеш, 26 декабрь, “Тәтеш таңнары”). Тәтеш аучылары махсус хәрби операциядә катнашучыларга үзенчәлекле бүләк ясаганнар.

Тәтешнең аучылар һәм балыкчылар җәм­гыяте рәисе Александр Шляч­ковның хәрбиләргә 100 мең сумнан артык бәя­дә торган поход мунчасы сатып алып җибәрергә ки­рәк дигән тәкъдимен дуслары бертавыштан хуплаганнар. Тәтеш районы кулланучылар җәмгыяте рәисе Илдар Сөләйманов 30 мең сум күләмендә саллы өлеш керткән. Тәтеш районы һәм Тәтеш шәһәренең Мактау­лы гражданины Николай  Сергеев 10 мең сум акча биргән.

– Хәрби хезмәткәрләргә, хәзерге вакытта махсус хәр­би операция зонасында булучыларга, күчмә мунча бик тә кирәк. Җылынырга, җылы су белән юынырга, моңардан тыш әле, биредә өс киемнәренә,  матрасларга дезинфекция ясарга да була. Мунча сатып алуда ярдәм күрсәтерлек игелекле кешеләр булуы сөендерә, – ди Александр Иванович.