Тетюшские зори
  • Рус Тат
  • Нармонкада җирлек халкы җыены булып узды

    Биш торак пунктта - Нармонка, Чинчурино, Колунең, Зеленовка һәм Кушкуйда 812 кеше яши, шуларның 317се - пенсионерлар, 300е - эшкә ярак­лылар.

    Барлык социаль сфера хезмәтләре эшли, халыкның дәгъвасы юк. Киресенчә, алар медицина белгечләренә рәхмәтлеләр, мәдәният хезмәткәрләре дә, эшләү шартлары авыр булса да, бик күп чаралар оештырып үткәрәләр. Авыл җирлеге эшчәнлегендә Нармонка мәктәбе педколлективы активлыгы белән аерылып тора.

    Җирлек өчен шунысы отышлы, аның территориясендә эре авыл хуҗалыгы предприятиесе урнашкан. Эшкә ярак­лы халыкның күп өлеше "Содружество" ҖЧҖда хезмәт куя, биредә эш хак­лары һәм пай җирләре өчен вакытында түләнә. Аның планнарында - киләчәктә игенчелекне дә, шулай ук терлекчелекне үстерү, димәк, биредә эшләүче авыл халкының җитешлеге ях­шыруына да өмет бар.

    Җирлек башлыгы Нина Рыбакина отчет докладында барлык авылларның проблемаларын тө­гәл яктыртты. Зеленовкадагы юлның начар булуы, Чинчурино һәм Колунецтагы су үткәрү челтәрләренә ремонт та­ләп ителүе беренче ел гына телгә алынмый. Җиңүнең 70 еллыгы бе­лән бәйле якындагы планнар - Чинчуринода һәй­кәл салу, Колунец һәм Кушкуйдагысын ремонтлау, Зеленовка һәйкәлен икенче урынга күчерү.

    Нина Рыбакина әйтеп үт­кәнчә, төзекләндерү эшләре барлык авылларда да дәвам иттереләчәк һәм аларда халыкны актив катнашырга, шулай ук кайбер мәсьәләләрдә "Содружество" ҖЧҖны яр­дәм итәргә чакырды. Җирлек башлыгы докладын бюджет учреждение­ләре җитәкчеләре тулыландырдылар. Нар­­монка мәктәбе директоры Николай Торгайкин җыелучыларның игътибарын уку йорты тәрәзәләрен алыштыру, спорт залын ремонтлау зарурлыгына юнәлтте һәм бу эшләрдә авыл хуҗалыгы предприятиесенең дә булышуын сорады. Җыенда катнашкан район башлыгы Рәмис Сафиуллов эш урыннары булган авыл халкы өчен сөенде. "Содружес­тво" районның иң эре хуҗа­лык­ларының берсе, дип билгеләп үтте ул, ди­мәк, авыллар яшәячәк һәм җирлекнең дә киләчәге бар. "Замана авырлыкларына карамастан, - дип басым ясады ул, - Татарстан Президенты Рөстәм Миңнеханов авылларга бу­лышу программасын тормышка ашыруны мө­һим дип саный. Шуңа да рай­онда юллар, клуб­лар төзелә, су үткәргечләр яңар­­тыла. Тик барсын да бер көнне эшләп кенә бул­мый. Юлларга килгәндә, президент безнең проблеманы белә, мин инде аңа әлеге мәсьәләне чишүдә ярдәм сорап хат белән мөрәҗәгать иттем. Авыл хуҗалыгы предприятиеләре дә республика булышлыгында яшиләр. Иң мөһиме - барыгызга да сәламәтлек телим.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: