Наталья Борисова: Тумышыбыз белән авылдан

(Тәтеш, 24 октябрь, “Тәтеш таңнары”) Коллектив 2014 елда оешкан. “Башта җыелдык, җырладык, әйтергә кирәк, рәсми рә­вештә түгел, – дип ел­ма­еп искә төшерә ан­самбльнең сәнгать җитәк­чесе Наталья Борисова. – Ә алты ел элек җирлектәге сәхнәдә, мә­дәният йортында, аннары район күләмендәге чараларда чыгыш ясый башладык. “Ромашкалар” исемен без баштан ук уйлап куйдык: тумышыбыз белән барыбыз да авылдан һәм балачак хатирәләре  әлеге матур, кояшлы чәчәк белән бәйле”.

Коллективта җыр­лау­чылар – алар Лариса Федотова, Ирина Малкина, Нина Матвеева һәм На­талья Борисова. Авылның почта бүлеге начальнигы, китапханәче, элекке педагогны – бер уңайдан сәнгать җитәкчесе, Жуково мәдәният йорты директорын җырны ярату берләштерә. “Ромаш­калар”ның репертуарында халык һәм эстрада җыр­лары: артистларга беренчесе күбрәк ошый, совет вакытындагы эстрада җырларының эшкәртелгән төрләре. “Безнең тамашачы әлеге җырларны өстен күрә. Алар безнең яшебезгә дә туры килә”, – ди Наталья Александровна. “Ромашкалар” Май ча­бу, Сабан туе, Җиңү кө­не­нә һәм ­башкаларга багышланган шундый, район күләмендәге чаралар­да актив катнаша. “Репе­тицияләр Жуково авылы мәдәният йортында уза. Җырлаучыларның барысы да төрле оешмаларда хезмәт куя, һәммәсе өчен дә кулай вакытны туры китерергә тырышабыз”, – дип уртаклаша Наталья Александровна. Вокаль ансамбль авылдашларын һәм районда яшәүчеләрне иҗат белән генә түгел, шулай ук төрле бәйгеләрдә катнашуы белән дә сөендерә. Шулай итеп, мисалга, “Минем авыл – минем Ватаным” район бәйгесенең “Иң яхшы рус вокаль коллективы” номинациясендә ул 1нче урынны алган. Ә быел, коронавирус пандемиясе аркасында, үзләрен яңа рәвештә сынап карарга туры килгән: онлайн төрдәге “Каравон” проектында катнашканнар. “Безнең сәхнә киемнәре – “Колос” авыл хуҗалыгы предприятиесе җитәкчесе Рима Гомәровна Сафи­уллованың бүләге”, – дип билгеләп үтә Наталья ­Александровна.
Музыкаль коллек­тив­ның планында репертуарны җирлектәге борынгы җырлар белән тулыландыру һәм авыл кешеләрен үзләренең иҗатлары белән шатландыру.

ФОТО НАТАЛЬЯ БОРИСОВА АРХИВЫННАН