“Нива” ҖЧҖда 100 башка исәпләнгән сыер абзары яңартып төзелә

Редактор, 24 июль 2015 - 12:41

- Элекке киртәдә, ул узган гасырның 60нчы елларында салынган, инде икенче тапкыр сыерлар абзары яңартып төзибез, - дип белдерде, безне терлекчелек бинасы буйлап йөртүче хуҗалык җитәкчесе Анатолий Сумбаев.

- Биредә 14 кешелек бригада ике атнадан бирле эшли. Стенадан тыш, барлык искеләрне бөтенләе белән диярлек сүттеләр, түбәсен дә ремонтладылар. Монда һәркем тырыша һәм эш тә алга бара.

Түшәлгән идәннәрдән агач исе аңкып торган сыер абзарында аран җиһазлары, яңа тирес чыгару җайланмасы урнаштыралар. Барлык эшләрне төгәлләгәч, сөт үткәргеч ясаячаклар.

- Бирегә савым һәм ташлаткан сыерлар, башмак таналар урнаштырачакбыз. 25 урынлык бозаулату бүлеге булачак, - диде терлекчелек тармагын үстерү өмете белән мавыккан әңгәмәдешебез. - Кичә Әтнәдән 25 башмак тана алып кайттык. Аклы-каралы төстә, маллар чиста һәм көр, пилорама һәм бульдозер эшләп торса да, тышкы киртәдәге утлыкларга салган төшке азыкны тавыш та чыгармыйча ашап бетерделәр. Тышкы киртәләрдә дә кышка әзерлек бара. Әлегә тимер-бетон баганаларга беркетелгән колгалардан торган коймалар ремонтлана, җыелган тирес кырга чыгарыла. Эш хуҗалык ысулы белән алып барыла, шактый акча кирәк, әмма республика программасына керергә өметләнәләр, моның өчен барлык документлар авыл хуҗалыгы министрлыгына тапшырылган.

Баш санын арттырып, аны асрау мөмкинлекләренең барсын да исәпкә алганнар биредә. Иң мөһиме - азык базасы. Бу хакта борчыласы юк. Үләннәрнең беренче чабымында яхшы эшләгәннәр, кирәкле күләмдә фураж салып кую өчен бөртеклеләрнең мәйданы шулай ук җитәрлек. Икенче мул чабымга өметләнәләр. Эшләргә һәм производствоны киңәйтергә теләк бар.

Аграрийларның хезмәте һәрчак тәвәккәллек белән бәйләнгән. Авыр хезмәт куеп чәчелгән игеннәргә бәяләр күтәрелмәскә мөмкин, сөтнең сатып алу бәясе дә тотылган чыгымнарны капламый, алар бары тик кибет киштәләрендә генә кыйммәт. Бәяләр кәефне төшерә, әмма авыл халкы илне туйдыруны дәвам итә. Аларга тагын бер тапкыр "рәхмәт" әйтәбез.

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2020. Тетюшские зори. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Тетюшские зори
№ свидетельства о регистрации СМИ, дата: серия Эл № ФС77-73780 от 28 сентября 2018 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Сафарова Инга Валериевна
Адрес редакции: 422370, Республика Татарстан, Тетюшский р-н, г. Тетюши, ул. Свердлова, д. 61
Электронная почта редакции: avangard@tatmedia.com
Телефон редакции: (84373) 2-54-95
Для сообщений о фактах коррупции: tetuch_awangard@rambler.ru

сетевое издание

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+