Нәзакәтле чәчәк

(Тәтеш, 12 июль, «Тәтеш таңнары», Ләйсән МАНТОВА, автор фотосы). Әмма Фаленопсисның хуҗаларга үз таләп­ләре бар.

*Орхидеяне тишекләре булган үтә күренмәле чүлмәккә утыртырга кирәк. Тамыр­ларга үсү һәм җәелү өчен яктылык мөһим.

*Орхидея кояш яктылыгын ярата. Чүлмәк белән гөлне төньяктагы тәрәзә төбенә, аңа кояшның нурлары турыдан-туры төшмәсен өчен, тәрәзәдән читтәрәк урнаштырсаң яхшырак. 

*Чәчәккә туфрак кирәкми. Иң яхшысы – нарат кайрысы, ул дымны яхшы сеңдерә һәм аны үсемлеккә акрын гына бирә. Субстратның башка компонентлары: агач күмере, мүктән барлыкка килгән торф, керамзит, торф. 

*Суны 7-10 көнгә бер сибәргә кирәк, җәйләрен – ешрак. Чүлмәкне бүлмә температурасындагы су белән яртылаш чумдыралар, 6-10 сәгать тотарга мөмкин, аннары, артык су аксын өчен, аслыкка кую зарур. Орхидеяга суны яфрак буйлап сипмәгез, алайса черү барлыкка килергә мөмкин. Яфракларны күзәтеп торыгыз: еш сибү ярыклар барлыкка килүгә китерә, сирәге – шиңүгә.

*Чәчәкне “тукландырыгыз”. Бары тик мөһим кагыйдә буенча – орхидеяне коры субстрат белән ашламагыз. Су сипкән вакыттагы кебек, ике сәгать чылатып торыгыз, аннары су салынган савытка ашлама өстәгез, әзер, кибетнеке булса яхшырак.