Өстәмә тукландырмыйча яхшы уңыш алып булмый

(Тәтеш, 22 апрель, “Тәтеш таңнары”).
Район буенча көзге куль­туралар 4100 гектар, бу планга карата 24 процент тәшкил итә, һәм 3412 гектар күпьеллык үләннәр өстәмә тукландырылган. 2444 тонна орлык материалы инкрустацияләнгән.

– Районның авыл ху­җа­­лыгы предприя­тие­лә­рендә көзге чәчү төрле ашламалар кертеп башкарылды, 7590,6 тонна кулланылды, – дип аңлатма бирә районның авыл хуҗалыгы һәм азык-төлек идарәсе начальнигы Ирек Садриев. – Ашламалар белән өстәмә тук­ландыру авыл хуҗалыгы культураларының уңды­рышлыгын арттыруга йогынты ясый, кыш чыкканнан соң зәгыйфьләнгән үсемлекләр азот тукланышы булмагач һәлак булырга мөмкиннәр. Шуңа күрә азотны тармаклануны көчәйтү һәм үрентеләр исәбен арттыру өчен дымлы туфракка кертергә кирәк. Тукландырмасаң уңыш ях­шы булмаячак. Район буенча әлегә бер гектарга уртача 108,74 килограмм тәэсир итүчән матдә әзерләнелде, бу күрсәткечне 140 килограммга кадәр җиткерү бурычы тора. Бу юнәлештә эшләр дәвам итә, респуб­лика бюджетыннан ашламалар сатып алуга бирелә торган субсидияләр аграрийларга сизелерлек яр­дәм булып тора. Чәчүлек мәйданына 40 килограмм тәэсир итүчән матдә булган хуҗалыклар гектарына 450 сум күләмендә суб­сидия алачак, финанс яр­дәме тагын 5 килограммнан артык тәэсир итүчән матдәдә минераль ашлама сатып алуга юнәлтеләчәк. Әлеге субсидиядән без­нең районда 30га якын авыл хуҗалыгы предприятиесе файдалана алачак. Сатып алынган ашламалар­ны агымдагы елгы авыл хуҗалыгы культураларына кертергә кирәк.

Ашламалар туплау буенча алдынгылар белән беррәттән районда артта калучылар да бар: бер  гектар чәчү җиренә “Волга”да – 87,8 килограмм тәэсир итүчән матдә һәм “Ш. И. Хөсәенов”та – 60 килог­рамм тәэсир итүчән матдә. Аларның җитәкчеләренә, мондый күрсәткеч белән басулар яхшы уңыш бирерме икән дип, уйланырга кирәк.

Авиацияне җәлеп итү – ашлама кертүнең нәтиҗәле ысулы, аңардан “Колос”, “Бакырчы” һәм “Р. Г. Сафи­уллова”, “Родина”, ­“Новая За­ря” авыл ­хуҗалы­гы пред­приятиеләре фай­даланды.

Районның кайбер хуҗа­лык­ларында игеннәрне 10 җир өсте техникасын кулланып өстәмә тукландыралар.

Тәтеш районы минераль ­ашламалар туплау буенча республикада беренче урынны били. 
(21 апрель мәгълүматлары буенча)