Район башлыгы Рәмис Сафиуллов Тәтеш районында яшәүчеләргә мөрәҗәгать итә

Район башлыгы Рәмис Сафиуллов Тәтеш районында яшәүчеләргә мөрәҗәгать итә:

– Халыкара инвалидлар көне һәркемгә безнең арада сәла­мәтлекләре буенча мөмкинлекләре чикле кешеләр күп булуын искә төшерергә өнди. Безнең бурыч – аларның һәммәсе дә тормышта үз урынын таба, теләсә кайсы өлкәдә уңышларга ирешә алсын өчен барлык көчебезне кую. 

Сәламәтлекләре буенча мөмкинлекләре чикле кешеләргә җылылык һәм игътибар бүләк итүчеләргә – социаль хезмәткәрләргә, укытучыларга, табибларга ихлас рәхмәтемне белдерәм.

Бу көнне һәркемгә сәламәтлек, бәхет һәм иминлек телим. Юлыгызда бары тик игелек­ле һәм ярдәмчел кешеләр генә очрасын! Өйләрегездә һәм йөрәкләрегездә һәрчак җылылык, шатлык хисләре генә булсын!