Тетюшские зори
  • Рус Тат
  • Республикада ике ир, шакшы су чокырын чистартканда аңын җуеп, чак кына үлемнән калган

    «Уртача авырлыктагы асфиксия» диагнозы куелган зыян күрүчеләрне Буа Үзәк район хастаханәсенә озатканнар.

    (Тәтеш, 3 август, "Тәтеш таңнары"). Татарстанда ике ир-ат, шакшы сулар чокырын чистартканда аңнарын югалтып, чак кына үлемнән калган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

    Буа районы Мещеряково авылында ике ир-атның шакшы сулар чокырын чистарткан вакытта аңын югалтуы хакында хәбәр килгән.

    1нче зона янгын-коткару отряды хезмәткәрләре урында ачыклаганча, чокырга иң элек бер кеше төшкән һәм шунда ук аңын югалткан. Аңа икенче ир-ат ярдәмгә ашыккан, әмма анысы да һуштан язган. Шул тирәдән узып барган өченче ир-ат аларның икесен дә өскә чыгарган. Коткаручылар һәм табибларны да ул чакырткан.

    «Уртача авырлыктагы асфиксия» диагнозы куелган зыян күрүчеләрне Буа Үзәк район хастаханәсенә озатканнар.

    фото: Россия Гадәттән тыш хәлләр министрлыгының Татарстан буенча Баш идарәсе матбугат хезмәте 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: