Һәркем өчен юллар ачык

Биредә мәктәп капиталь ремонтланган, анда балалар бакчасы күчерелгән. Хәзер мәктәпкә кадәр асфальт юл түшәү өчен төрле катнашмалар әзерләнә, табиб амбулаториясе ремонтланган һәм дәүләт ярдәме белән йорт, күпфункцияле үзәк төзелә. Интернат-йорт ремонтлана. Элекке мәдәният йорты урынына кәшәнә төзү планлаштырыла. Шул исәптән авылның тагын бер проблемасын чишү өчен мөһим адым ясалган - су белән тәэмин итү.

Бер авылга да шуның кадәр средство кертелмәгән, һәрхәлдә, җирлектә яшәүчеләрнең барсы да шундый ук игътибарга лаек, дип билгеләп үтте район башлыгы Валерий Чершинцев. "Сез дә йөз белән борылыгыз һәм башкача яши башлагыз, - дип өндәде Валерий Сергеевич. Районда тулаем хәл начар түгел. Быел узган елның беренче ярты елы белән чагыштыр­ганда үлүчеләр саны 53 кешегә ким, сабыйлар күбрәк туган. Кешеләр сәламәтлекләре турында уйланалар һәм үзләрен кайгырта башладылар. Авыл хуҗалыгы производствосында күңелле үзгәрешләр күзәтелә. Материаль яктан дәүләт ярдәме алган һәркемнең авыл хуҗалыгында үз эшен башлау мөмкинлеге бар. Районда барлык авыл хуҗалыгы предприятиеләре сакланып калды. Сезнең җирләр дә эшкәртелә. Ләкин барлык бу уңай үзгәрешләргә карамастан, өч авыл - Олы һәм Кече Шәмәк, Киртәле - районны артка сөйриләр, эшлисе урынга кешеләр эчеп йөриләр, - яшьләргә нинди үрнәк күрсәтәсез инде? Эчүне туктатыгыз."

Шелтә бик тә гадел, "Содружес­тво"да Олы Шәмәктән бары тик дүрт кеше генә эшли, ә Кече Шәмәктә әлеге җирлектән "Родина" ҖЧҖ фермасында эшләргә теләүчеләр юк. Анда да шул ук баш авыртуы - эчүчелек.

Җирлекнең яңа җитәкчесе - башкарма комитет вазифаларын башкаручы Иван Матюшин әлеге хәлне үзгәртә алырмы? Мөгаен, планлаштырылган чараларны үтәүгә караганда, бу мөһимрәк һәм катлаулырактыр - чишмә янына беседка төзергә, карт агачларны кисәргә, буаны ремонтларга.

"Содружество" ҖЧҖ Бисәр һәм Шәмәк җирендәге игенне югары уңдырышлылык белән суктыра башлады, халыкка терлекләре өчен бушлай салам тәкъдим итә, сөт комплексы төзүне планлаштыра. Җирлек авылларының, киләчәге бар (район үзәгенә кадәр асфальт юл кергән), әгәр аны, билгеле инде, биредә яшәүчеләр үзләре спиртлы эчемлекләргә батырмасалар.
Участковый Илнур Тимеркәев үз чыгышында әйтеп үткәнчә, 2013 елда Олы Шәмәк территорясендә 7 җинаять кылынган, шуларның 6сы ачылган. 13 административ беркетмә төзелгән, шул исәптән 7се - җәмәгать урыннарында исерек хәлдә булганы, 4се - вак хулиганлык һәм 2се - ата-аналык вазифаларын башкармаганнары өчен.

Эчүчелек аркасында гаилә-­көнкүрешендә һәм күршеләр белән низаглар килеп чыга. Шәмәклеләрнең үзләрен аклап әйтерлек сүзләре булмады. Ә авылларда тәҗрибәле, абруйлы мәдәният хезмәткәрләре, укытучылар бар, мәдәни чаралар уздыру һәм спорт белән шөгыльләнү өчен шартлар тудырылган, үз балаларының якты киләчәге белән кызыксынган медиклар да, халык та моның белән шөгыльләнергә тиеш. Авылда яшәүчеләр тарафыннан җыенда яңгыраган кайбер катлаулы булмаган мәсьәләләрне чишү башкаруга кабул ителде.