Рөстәм Миңнеханов Россия венчур форумын ачты

Казанда XVIII Россия венчур форумын ачу тантанасы узды. «Казан Экспо» халыкара күргәзмә комплексы мәйданчыгында ачылган чараның төп темасы - «Технологик эшкуарлык: югары компетенцияләр киңлеге». Бу турыда «Татар-информ» хәбәрчесе Александр Хевронин яза.

«Республикабызда әлеге форумны үткәрүдәге күпьеллык традиция – Татарстан һәм барлык илкүләм инновацион система субъектлары көчләренең берләшүенә дәлил», - дип белдерде Татарстан Рәисе Рөстәм Миңнеханов форумны ачу тантанасында.

Ул билгеләп үткәнчә, быел чарада 4 меңнән артык кеше катнаша, эшлекле программада 200дән артык спикер, инвестиция фондларының 100гә якын вәкиле, шулай ук 50дән артык стартап-проект җәлеп ителгән.

«Форум Россия венчур индустриясенең иң танылган дискуссия мәйданчыкларының берсе булуын тагын бер тапкыр раслады», - дип искәртте Миңнеханов.

Тулырак: https://tatar-inform.tatar/news/rostam-minnexanov-rossiya-vencur-forumyn-acty-5886726

фото: Татар-информ