Сабан туе гөрләде: Кече Әтрәч
Сабан бәйрәмен ачып җибәргән “Нур” ҖЧҖ җитәкчесе Радик Нургалиев алдынгы эшчәннәргә ихтирам сүзләрен белдереп, Рәхмәт хаты, районның авыл хуҗалыгы һәм азык-төлек идарәсе начальнигы Ринат Хәкимов район башлыгының Рәхмәт хатлары тапшырды.
(Тәтеш, 21 июнь, «Тәтеш таңнары», Сиринә СӘЙФЕТДИНОВА, фото автора). Өлкәннәр сабыйларга уенчыклар, үзләренә Сабан туе истәлеге итеп берәр нәрсә алып калырга ашыкты.
Җирле үзешчәннәр күңелле җырлар башкарды, кайберәүләр зәлилә әйләнде. Балалар кояш нурларында иркәләнеп, татлы мамык белән сыйландылар, бизәлгән пониларда утырып йөрделәр, җепкә эленгән уенчыкларны кисеп алырга тырыштылар, рәхәтләнеп батутта сикерделәр. Бер төркем хатын-кызлар мөлдерәп тулган сулы чиләкләрне көянтәгә асып, бер-берсен уздырмас өчен җан-фәрманга йөгерделәр. Боларны күзәтеп тору аеруча да күңелле булды. Авыл эшчәннәре өчен йөрәк сөенә!
Тирә-яктагы мәйдан шау-гөр килеп тора. Атлар чабышы Сабан туеның “йөзек кашы” дияргә була. Чабышкылар өстендәге яшь җайдаклар җилдәй җитез алга ыргылалар. Һәр җирдә төрле уеннар кызганнан-кыза бара, җиңүчеләр бүләкләр ала.
Келәм уртасында көрәшчеләр бил алыша башлады. Ал тасмалар таккан тәкә көрәш батыры Наил Әхмәдуллин җилкәсендә мактаулы түгәрәкне әйләнде. Батыр асты булып Роман Кильганов калды.
Следите за самым важным и интересным в Telegram-каналеТатмедиа
Нет комментариев