Тетюшские зори
  • Рус Тат
  • Сезнең өчен яза

    Хезмәттәшебез - корреспондент Елена Калашникованың беренче шигырьләр җыентыгы дөнья күрде.

    Редакциянең тормышы кызыклы мәгъ­лүматлар эзләү, укучылар белән очрашулар, телефоннан хәбәрләр алу, киңәшмәләр һәм чараларга бару белән тулылана. Боларның барысы да сез һәрвакытта җәлеп итәрлек һәм яхшы итеп бизәлгән гәҗит саны алсын өчен эшләнә. Сез язмаларны укыганчы, редакциянең бөтен коллективы, кайчакларда сүзлекләргә, Интернет­ка күз салып, саннарны, исемнәрне, фамилияләрне берничәшәр тапкыр килешенеп, һәрбер хәреф, өтер өс­тендә эшләгәнлеге күпләргә мәгълүм дә түгелдер. Әмма бу безнең эшебез һәм ул безгә бик ошый.
    Бүген сезне "Синең кешеләрең, авыл" һәм "Үткәннәрдән хатлар" ди­гән редакция проектлары авторы, редакциябезнең яшь, әмма сәләтле иҗади хезмәткәре Елена Калашникова белән таныштырасы килә. Ел ярым элек миңа аның шигырен укыр­га һәм үз бәямне бирергә тәкъдим иттеләр. Ул мәгънәле иде: аңа безнең гәҗиттә эшләргә кирәк. Ягымлы ханым, сәүдә өлкәсендәге тыйнак хезмәткәр - Елена белән без шулай таныштык.
    Баксаң, мәктәптә (Буада) укыганда ук инде, ул район гәҗитенә кыска язмалар язган, ә үзенең беренче шигырен өченче сыйныф укучысы булганда иҗат иткән.
    Ул безнең коллективка кыюсызланып, үзенең сәләтенә икеләнеп кенә килеп керде, әмма тиздән эш белән мавыгып китте, мин аңа редакция биремнәрен тапшырырга өлгерми башладым. Аны барысы да кызыксындырды: авыл, шәһәр халкының тормышы, төзекләндерү мәсьәләләре, медицина хезмәте күрсәтү, яшьләрнең ялы... Безнең тирәлектә әйтерләр иде - бөтен нәрсәне белергә теләүче. Әмма иң мөһиме - аның мәкаләләре, язмалары, репортажлары укучыларга ошый, үзенең авторлык активы һәм талантын хөрмәтләүчеләр барлыкка килде.
    Ул шигырьләр язуын дәвам итә, ләкин гәҗит мәйданы җитмәү сәбәп­ле, аларны нигездә сайтта бастырабыз.
    Укучының ихтирамын сорап яки сатып алып булмый, ул йөрәк аша язылган яхшы материаллар ярдәмендә килә.
    "Миңа корреспондет эше ошый, чөнки һәрбер кеше белән очрашу, һәрбер авылга бару - ул үзенә бер төрле тарихи сәяхәт", - ди Елена.
    Безнең коллективка кызыклы әңгәмәдәш, дуслыкта һәм хезмәттә ышанычлы, сезне гәҗит юллары белән сөендерер өчен кичләрен дә, ял көннәрендә дә язарга әзер булган тагын бер якты күңелле талантлы кеше килүенә сөенәбез. Аның беренче шигырьләр җыентыгы - ул гәҗиттә һәм әдәбиятта әле зур иҗат юлының башлангычы гынадыр дип өметләнәбез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: