Шигырьләрне сәнгатьле итеп сөйлиләр

(Тәтеш, 20 июнь, “Тәтеш таңнары"). Бидәңге урта мәктәбе укучылары Са­бина һәм Самат Сәйфетдиновлар – “Йолдызлык-2019” бәйгесенең “Кон­феранс” но­­ми­на­циясенең район этабында финалга ­чыкты.

Балаларны фестивальдә катнашыр өчен педагоглар Әлфия Минкина белән әле тагын бертуганнарның әнисе дә булып торган Гүзәл Сәйфетдинова әзерләгән. Укытучылар әйтүенчә, балалар яхшы укыйлар, шигырь­ләрне сәнгатьле итеп сөйлиләр, ә Саматның вокалга да сәләте бар. Абруйлы бәйгедә финалга җитәр өчен бу яшь конферансларга күп яктан ярдәм итте. “Улым җырчы булыр­га тели, ә кызым – стоматолог”, – ди яшь артистларның әнисе елмаеп һәм балалары өчен киемнәрне чыгыш ясар алдыннан нибары бер төн эчендә үзе тегүен әйтеп.