Шәһәр урамнарында яшьләрнең зур булмаган төркемнәргә җыелып, ничек итеп сыра эчүләрен еш күрәм

(Тәтеш, 25 июль, "Тәтеш таңнары") Шәһәр урамнарында яшьләрнең зур булмаган төркемнәргә җыелып, ничек итеп сыра эчүләрен еш күрәм, мәйданчыкларда сабыйлар уйный һәм шундый эчемлекләрне яратучыларны күзәтәләр. Бу рөхсәт ителәме?
Тәтешле

Тәтеш районы прокуратурасы аңлата: 
Җәмәгать урыннарында алкоголь продукцияләр кулланган (эчкән) өчен административ ­хокук бозулар турындагы кодексның 20.20нче маддәсендә җаваплылык билгеләнгән. Күрсәтелгән хокукны бозу 500дән 1 мең 500 сумга кадәр административ штраф төрендә админис­тратив җаваплылыкны күз уңында тота. Моннан тыш, җәмәгать урыннарында (РФ Административ хокук бозу кодексының 20.21нче маддәсе), атап әйткәндә, урамнарда, стадионнарда, скверларда, парк­ларда, гомуми файдаланудагы транспортларда, башка җәмәгать урыннарында исерек килеш, кешелек абруен һәм җәмәгатьчелек әхлагын хурлап йөргән өчен административ җаваплылык билгеләнгән. Әлеге хокук бозу биш йөздән бер мең биш йөз сумга кадәр административ штраф салуны яки унбиш тәүлеккә кадәр административ кулга алуны күз уңында тота. Тәтеш районында бү­генге көндә ел башыннан 8 граждан РФ Адми­нистратив ­хокук бозу кодексының 20.20нче маддәсе буен­ча, 55 граждан РФ Админис­тратив хокук бозу ко­дексының 20.21нче маддәсе буенча админис­тратив җаваплылыкка ­тартылган.

фото: архив/Авангард