Шәһәребез чиста булсын өчен
Олена Мөхәммәтшина белән Марина Лизунова – үзенә бер төрле “күзгә күренми торган фронт хезмәткәрләре”: шәһәр урамнары аларның тырышып эшләве ярдәмендә чиста, ә паркта аллы-гөлле матур бакра чәчәкләре үсә.
(Тәтеш, 5 август, “Тәтеш таңнары”).
“Тәтеш” МПП” МУП хезмәткәрләре көн саен эштә: кышын тротуарларны кардан чистарталар, җәен су сибәләр, чүп-чарны җыештыралар.
– Бөтен шәһәр безнең карамакта. Бер көн эчендә мөмкин кадәр күбрәк эшләп өлгерергә тырышабыз, – диләр Олена белән Марина.
Беренчесе “Тәтеш” МПП” МУПта биш елдан бирле хезмәт куя, икенчесе – ике елдан күбрәк. Предприятие җитәкчелеге көндәлек эшләрне иртәдән үк, планерка вакытында, әйтеп куя, ә аннары хезмәткәрләр өчен эш көне саф һавада башланып китә.
– Безгә хезмәтебез өчен рәхмәт белдергән кешеләр дә бар, ә кайберләре дорфа итеп, сүз һәм гамәлләре белән тупаслык күрсәтәләр. Без Җиңү паркына чәчәкләр утырттык, аларның кайберләрен тамырлары белән йолкып киттеләр, берникадәрен – таптаганнар иде. Кешеләр азрак чүпләсеннәр иде диясе килә. Ямьсез күренешне еш күрергә туры килә: баласы белән әнисе киләләр, әнисе чүпне тротуарга ташлады, баласы да аның артыннан ук шулай эшләде. Чәчәкләр белән дә шулай ук: әнисе утырып тора, ә бала чәчәкләр өстеннән йөгереп йөри, ул аңа хәтта шелтә генә дә ясамый, – дип зар-моңнарын белдерәләр Олена белән Марина.
Алар шәһәрдә яшәүчеләрдән һәм кунаклардан үз хезмәтләрен хөрмәт итүләрен үтенәләр һәм болай диләр: “Без бит алар өчен тырышабыз, Тәтештә чиста һәм матур булуын телибез”.
Следите за самым важным и интересным в Telegram-каналеТатмедиа
Нет комментариев