“Танышу” рубрикасы кирәк

Гыйльман Хөснет­динов, Кече Әт­рәч авылы: 
– Район газетасыз калырмын дип уйлаган идем инде, сезнең ки­лү­егез ях­шы булды әле. Газетага күптәннән, 20 елдан артык язылам. Алгы бит­ләрдән укый башлыйм, әлбәттә. Го­мумән алганда, аңарда басыл­ганнарның барысын да укыйм. Югыйсә, әтәчләр белән бергә уянам, ка­раңгылангач кына йокларга ятам. Җәй көннәрендә – бу шулай. Терлекләрне ашатырга, яшелчә бакчасын карарга кирәк, шулай да газетадагы мәкаләләрне укырга һәрчак вакыт табам. Кызыклы язмалар бар. Киңәш буларак шуны әйтәсем килә, газетаның ахыргы, игъланнар чыгучы битендә “Танышу” кебек шундый рубрика барлыкка килсен иде.