Татарстанда яшәүчеләр Бөтенроссия экологик диктантта катнаша алалар

Россия буенча 25 ноябрьдән 8 декабрьгә кадәр Бөтенроссия экологик диктант узачак.

Чара ел саен үткәрелә торган проект булып тора, ул экологик культураны формалаштыруга, халыкның төрле катлаулары арасында экологик белемнәрне популярлаштыруга, экологик хокук бозуларны кисәтү чаралары һәм экологик иминлекнең төп өлеше буларак экологик грамоталылык дәрәҗәсен күтәрүгә юнәлдерелгән.

Агымдагы елда диктант инде алтынчы тапкыр узачак. Акциядә һәркем катнаша ала. Моның өчен сайтта теркәлергә кирәк. Биремнәрне үтәү йомгаклары буенча катнашучылар дипломнар һәм сертификатлар алачак. Акция турында тулырак мәгълүмат белән диктант сайтында таныша аласыз.