Татарстанда пенсия реформасы белән бәйле килешү имзаладылар

(Казан, 14 ноябрь, «Татар-информ»). Татарстан Хезмәт, халыкны эш белән тәэмин итү һәм социаль яклау министрлыгы белән Россия Пенсия фондының ТР буенча бүлеге хезмәткәрләре территориаль органнар һәм халык мәшгульлеге үзәкләре килешү имзаладылар. Бу турыда министрлык матбугат хезмәте хәбәр итә.

«Гражданнарның яше, стажы, ташламалы категория турындагы мәгълүмат электрон рәвештә куркынычсыз каналлар буенча тапшырылачак», — диелгән хәбәрдә.

Килешү 2018 елның 3 октябрендә гамәлгә куелган «Россиянең пенсия билгеләү һәм түләү мәсьәләләре буенча аерым закон актларына үзгәрешләр кертелү турындагы” Федераль законны чынга ашыру максатыннан имзаланган.

Бу хакта тулырак: https://tatar-inform.tatar/news/2018/11/14/175132/