Тэтэш таннары
  • Рус Тат
  • Тәтеш районының тыл батырлары

    Сугышчан тыл эшчәннәренең батырлыгы бәяләп бетергесез. Олысы да, кечесе дә, үз-үзләрен аямыйча, дошманны җиңделәр. 1945 елның 9 мае - сез чын мәгънәсендә шушы бөек көнне, бар көчегезне куеп, үзегезне корбан итеп, якыннарыгызны югалту кайгысына да карамастан, ачлыкка һәм салкынга бирешмичә якынлаштырдыгыз.

    "Татарстан Республикасы тыл батырлары" Хәтер китабын басты­рырга әзерлиләр. Районыбыздан ул исем­лектә, 1941 елның 22 июненнән 1945 елның 9 маен кертеп, кимендә 6 ай эшләүчеләр, СССРның вакытлыча ок­купациядә булган җир­ләрендә хез­мәт куйган чорларны да исәпкә алып һәм Бөек Ватан сугышы елларында фидакарь хезмәтләре өчен СССР орденнары һәм медальләренә, мак­таулы исемнәргә (Со­ци­алистик Хезмәт Герое, Ленин ордены, "Почет Билгесе" ордены, Хезмәт Кызыл Байрагы ордены; "Фидакарь хезмәт өчен" медале, "Хезмәттә ае­ры­лып торган өчен", "1941-1945 еллардагы Бөек Ватан сугышында намуслы хезмәт өчен" медале); СССР, РСФСР, башка союздаш (авто­ном) республикаларның мак­таулы исемнәренә, Бөек Ватан су­гы­шындагы ведомство бил­геләренә, Советлар Союзының башка өл­кәләрендә һәм рес­пуб­ликаларында тылдагы хезмәтләре өчен бүләк­ләргә лаек­ бу­лучылар, бү­ләк­ләнгәннән соң да Татарс­танда яшәгән­нәр (яшәүчеләр) исәпкә алынырга тиеш.

    Хезмәт фронтының һәр батырын киләчәк буын хәтерләргә тиеш, чөнки һәркемнең керткән хезмәт өлеше нәтиҗәсендә со­вет халкы дошманны җиңде.

    Бүгенгә районда 855 тыл эшчәне яши (шәһәрдә - 207, авылларда - 648). Алар хакындагы мәгъ­лүматларны җыярга җир­лек башлыклары, пен­сия фонды идарәләре, социаль яклау һәм рай­онның башка службала­ры ярдәм итәчәк. Ә менә вафат булган тыл эшчәннәре исемлеген төзүе катлаулырак, шул уңайдан мәгълүматлар әзерләү буенча эшче төркем исемлек төзү­дә ярдәм сорап алар­ның туганнарына, таныш­ла­­ры­на мөрәҗәгать итә. Хәтер китабына кертү өчен түбәндәге мәгълүматлар кирәк: фамилиясе, исе­ме, әтисенең исе­ме; туган җире һәм елы; бүләкләнгәндә, дәүләт бүләкләренә, мактаулы исемнәргә ла­ек булганда, яшәгән урыны, эшләгән урыны, башкарган ва­зифасы, вафат булган вакыты, җирләнгән урыны. Рай­онда мәгълүматлар җыю үзәге - "Тәтеш җир­лекара китапханә" МБУ, элемтә өчен теле­фон: 2-57-71.


    Нравится
    Поделиться:
    Реклама
    Комментарии (0)
    Осталось символов: