Төп тикшерелә торган мәсьәләләр

(Тәтеш, 29 июль, «Тәтеш таңнары»). Район башлыгы Рәмис Сафиуллов  агымдагы атнада берничә эшлек­ле, шул исәптән күчмә киңәшмә уздырды. 

Төп тикшерелә торган мәсьәләләр: агросәнәгать комплексы – урып-җыю эшләренең барышы, терлекчелекне үстерү, фермалардагы чистарту корылмаларының эше, район авыл хуҗалыгы предприятиеләренә видео­күзәтүләр урнаштыру; балаларның җәйге ялын оештыру; шәһәр мунчасы проектын төзү; шәһәр һәм җирлекләрне төзекләндерү; балыкчылык тарихы музеен ачуга әзерлек; “Мәктәпкә җые­нырга ярдәм ит” акциясе үткәрү; машина юллары кырыена беседкалар урнаштыру; шәһәр объектларында төзелеш эшләренең барышы; җаваплы затларның башкару тәртибе.