“Трактор-Прицеп” профилактик операциясе ­

(Тәтеш, 9 июнь, “Тәтеш таңнары").  Тәтеш шәһәре һәм Тәтеш муниципаль районы буенча 2019 елның 3 июненнән 28 июненә кадәр Тәтеш районы буенча ТР Дәүләт техник күзәтчелек Идарәсе бүлеге начальнигы Сергей Балантаев ЮХИДИ ДПС подразделениесе белән берлектә “Трактор-Прицеп” профилактик операциясе ­уздыра.

Чараның максаты – тракторлар, башка үзйөрешле техникалар һәм аларга тагылма арбалар катнашында юл-транспорт фаҗигаләренең, бәхетсезлек очракларының санын киметү.

“Үзйөрешле техникалар һәм кулланыла торган тагылма арбаларның техник торышына, файдалануга рөхсәт булуга, теркәлү документларына, дәүләт теркәү тамгалары булуга һәм аларның дөреслегенә, рөхсәт ителә торган категорияләр белән тракторчы-машинист таныклыгы булуны тикшерүгә аерым игътибар бүлеп биреләчәк”, – дип хәбәр итә Сергей Балантаев.