Тәтеш районда су объектларында куркынычсызлык айлыгы узды

(Тәтеш, 2 декабрь, “Тәтеш таңнары”). 2021 елның 1 ноябреннән 30 ноябренә кадәр Тәтеш муниципаль районы белем бирү оешмаларында су объектларында куркынычсызлык айлыгы узды.

Көзге каникуллар алдыннан педагоглар көзге-кышкы чорда су объектларында куркынычсызлык кагыйдәләрен үтәү турында инструктажлар үткәрделәр.
Ай дәвамында укытучылар, сыйныф җитәкчеләре һәм мәгариф оешмалары тәрбиячеләре кышкы бозда үз-үзеңне тоту кагыйдәләре турында «Куркынычсызлык минутлары», су объектларында балалар белән бәхетсезлек очракларын булдырмауга юнәлдерелгән профилактик әңгәмәләр, «Бозда куркынычсызлык чаралары», «Сак булыгыз: юка боз!», «Йөргәндә куркынычсызлык чаралары». Чара барышында укучыларга судагы бәхетсезлек очракларыннан балаларны яклау буенча видеофильмнар, презентацияләр һәм гамәли дәресләр күрсәтелде.