Тәтеш районында иң яхшы яңа ел бизәлеше бәйгесе үткәрелә

(Тәтеш,  12 декабрь, Тәтеш таңнары). Тәтеш районында агымдагы елның 10нан 25 декабренә кадәр иң яхшы яңа ел бизәлеше бәйгесе үткәрелә. Бәйге нәтиҗәләре түбәндәге номинацияләр буенча ясала: “Административ биналар һәм предприятиеләр, учреждениеләр, оешмалар территориясенең иң яхшы яңа ел бизәлеше”; “Күп фатирлы торак йортларның иң яхшы яңа ел бизәлеше”; “Шәхси торак йортларның иң яхшы яңа ел бизәлеше”; “Кар фантазияләре – 2018” иң яхшы яңа ел сурәтләре ясау”. 

Бәйгедә катнашу өчен гаризаны язма төрдә түбәндәге адрес буенча бирергә мөмкин: Тәтеш, Малкин урамы, 39нчы йорт, 107нче бүлмә, телефоны 8(84373)2-51-52.

Бәйге уздыру турындагы Положение белән район сайтындагы “Тәтеш шәһәре” МБ җирлекләре норматив-хокукый актлары бүлегендә танышырга була.