Җәмгыять
Тәтеш сыеры күпме сөт бирә?
Җәй - күп сөт чоры. Фермаларыбыз коллективларының эш нәтиҗәләре бу чагыштыруга туры киләме икән?
"Бүгенге көндә район буенча бер сыерга уртача 14,3 килограмм савабыз. 1 майдан, узган елның әлеге чоры белән чагыштырганда, савым арта бара һәм үсеш 0,7 килограмм тәшкил итә, - дип хәбәр итте редакциягә район авыл хуҗалыгы һәм азык-төлек идарәсе начальнигы урынбасары Ирек Еремеев. - Тулаем савым 5120 килограммга күтәрелде".
"Авангард" ҖЧҖ терлекчелек коллективлары үз осталыкларын эштә раслыйлар, анда (кичәге көн мәгълүматлары буенча) бер сыердан тәүлегенә уртача 20,4 килограмм савалар, "Нива" (20), "Р. Г. Сафиуллова" КФХ (19,7). Иң яхшылар исәбендә - "Содружество" (17,5), "Яңа юл" (17,3), "Новая заря" (16,9) терлекчеләре.
Малларны җәйге аранда асрау күп сөт алуга булышлык итә, әмма биредә дә, әлбәттә, барлык технологияләрнең барышын үтәргә кирәк: көтүлекне билгеле бер сәгатьтә алып чыгарга, вакытында эчерергә, азык төрләнешен тигезлектә сакларга.
Җәен сөт продукциясен алу табышын кулдан ычкындыру хуҗалыкның икътисади җитешлек үсешен югалтуын аңлата, һәм бу шулай ук аграр производствоның чагыштырмасы. Бүгенге көндә нәрсәләр көнүзәк? Ирек Еремеев киңәш иткәнчә, савым көтүенең продуктлылыгын үстерү өчен эш көне тәртибен үтәү, ашату технологиясе һәм терлекләрне асрау, терлекчеләрнең үзләренә дә игътибар бик мөһим.
Следите за самым важным и интересным в Telegram-каналеТатмедиа
Нет комментариев