Тетюшские зори
  • Рус Тат
  • Тәтешлеләр өчен матурлык булдыра

    Тәтешлеләр ­Куйбышев урамы буйлап узганда шәхси йортларның берсе янында тукталып, төрледән-төрле матур чәчәкләргә сокланалар.

    (Тәтеш, 3 июль, “Тәтеш таңнары”, Ләйлә Ягудина, автор фотосы). 
    Гомере буе өстәмә белем бирү үзәгендә эшләгән Раиса Емелина ун ел дәвамында төрледән-төрле ромашкалар, ясминнәр, хризантемалар, лаләләр, пионнар, канәферләр һәм башка чә­чәкләр үстерә.   

    – Чәчәкләрне бөтен гаи­ләбез ярата, шулай да алар белән күбесенчә мин шө­гыльләнәм, – ди Раиса Михайловна. – Утыртам, утыйм, үрчетәм, орлыкларын җыям. – Су сибәргә ирем һәм улым булыша. Чәчәкләрнең кайбер төрләрен Мәскәүдән кыз туганым алып кайтып бирә. 

    Чәчәкләрне карау өчен шактый вакыт сарыф ителә. Моңардан тыш, кайгыртучан һәм хезмәт сөючән хуҗа­ларның бакчасында сортлы ли­лияләр, розалар, гладиолуслар һәм, әл­бәттә инде, яшелчәләр, яшеллекләр утыртылган.

    Әлеге чәчәклекләр йорт хуҗаларын да, шулай ук узып-китеп йөрүчеләрне дә майдан алып сентябрьгә кадәр сөендереп үсәләр.   
    – Безнең йорт яныннан узганда кешеләр еш кына чәчәкләргә карап хозурланалар, аларны фотога төшерәләр, – ди Раиса Михайловна. – Шәһәрлеләр­не сөендерә алуыбызга, үзебез дә ­шатланабыз. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: