Тетюшские зори
  • Рус Тат
  • Тәтешлеләр коену сезонын ачтылар

    Җәйге ялыбызны ничек һәм нәрсә белән күңелсезләмәү хакында "ТР буенча Россия МЧСының кече суднолар дәүләт инс­пекциясе үзәге" ФКУның Кама Тамагы учас­тогы дәүләт инспекторы Алексей АНАНЬЕВ белән сөйләшәбез.

    - Су - организмны сәламәтләндерүдә ис­киткеч нәрсә. Безнең районда кайда коенырга мөмкин?

    - Асылда, Идел буенда яшәсәк тә, бер җирдә дә. Районыбыз территориясендәге бер генә сулык та коену өчен җайлаштырылмаган: коткару, медицина ярдәме посты булган җиһазландырылган пляжлар юк, су да микробиологик күрсәткечләр буенча файдага караганда, күбрәк зыян китерергә мөмкин.

    Сулыкларның хә­веф-хә­тәрле булуын да өлкәннәр һәрвакыт истә тотарга тиешләр. Июнь-август коену сезоны гына түгел, ә мәктәп каникуллары вакыты да. Димәк, балаларның буш вакытлары арта, ә аларга өлкәннәрнең контрольлеге кими. Нәкъ менә су буйларында ата-аналарның игътибарлылыклары җитмәгәнлектән, балалар белән фаҗигаләр килеп чыга. Статистика буенча узган ел Татарстанда 141 кеше батты, шуларның 10сы балалар. Шуңа да коену сезонында сулыкларда аларның һәлак булуын кисәтү чараларына аерым игътибар бирелә. Әгәр олылар ваемсызлык­лары аркасында һәлак булсалар, ә балаларның үлеме, кагый­дә буларак, ата-аналар намусында.

    - Суда һәлак булуның төп сәбәпләре нинди?

    - Йөзә белмәү, спиртлы эчемлекләр куллану, балаларны караучысыз калдыру, суда иминлек кагый­дәләрен үтәмәү.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: