Тетюшские зори
  • Рус Тат
  • Тәтешлеләр “әйе” диделәр

    Якшәмбедә шәһәрдә һәм районның 19 авыл җирлегендә җирле әһәмияттәге референдум узды.

    Ул бары Келәш җирлегендә генә үткәрелмәде.
    Территориаль сайлау комиссиясе, участок сайлау комиссияләре беркетмәләрен раслап, референдум нәтиҗәләре турында беркетмә төзеде. Референдум мәсьәләләре буенча карар кабул ителгән дип танылды. Шәһәр һәм 19 авыл җирлеге Советы һәм башлыклары инициативасы хупланды, ә референдум нәтиҗәләре барлык җирлекләрдә дә уңай.
    Шәһәрдә 9129 сайлаучының референдумда 4881е (53,47 процент) катнашты. 2665 сайлаучы "әйе" диде, бу 54,6 процент тәшкил итә. Авыл халкы зур активлык күрсәтте. Чөнки аларның мондый чарада беренче тапкыр гына катнашулары түгел һәм үзара салым юлы белән проб­лемаларны хәл итүнең асылын беләләр. Алабирде, Байраш, Бакырчы, Зур Әтрәч, Олы Тормы, Федоровка җирлекләрендә учас­токларга сайлаучыларның 80 проценттан артыгы килде. Иң азы Урюм (65,42 процент), Нармонка (64,14), Льяш (61,22) җирлекләрендә, шулай да шәһәргедән югары.
    Нәтиҗәләргә килгәндә, референдумда катнашу­чыларның Алабирде җирлегендә 94,04 пр­оценты, Бакырчыда - 95,34, Зур Әтрәчтә - 94,78, Олы Тарханда - 94,79, Олы Шәмәктә - 93,36, Жуково­да - 91,28, Килдештә - 93,09, Нармонка җирлегендә 91,81 проценты уңай җавап бирде. Калган җирлекләрдә бу саннар түбәнрәк.
    Районда яшәүчеләр "әйе" дип, шәһәр һәм район авылларын төзекләндерүгә үз средстволарын арттыру мөмкинлекләрен файдаландылар. Хәзер юлларыбыз яхшы булсын, чишмәләребез тазартылсын, урам фонарьлары янсын, яшь буын безнең кече ватаныбызны яратуыбызны аңласын өчен акча гына җыясы калды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: