Тетюшские зори
  • Рус Тат
  • Тәтештә Сабантуй-2016 батыры лаеклы бүләкләр алды

    Татар-башкорт милли спорт көрәшендә халык күп иде. Көрәш келәмендә 50дән күбрәк кеше көчләрен һәм җитезлекләрен сыный алды: бик яшь һәм тәҗрибәле көрәшчеләр, ветераннар һәм бәйрәм кунаклары.

    Спортчыларның җанатарлары үз хисләрен тыеп тора алмадылар. "Әйдә, әйдә!" - дигән тавышлар ишетелде трибунадан.
    Ярыш барышында көрәшнең төп хөкемдары Радик Йосыпов спортчыларның уен хәрәкәтенә катгый бәя һәм тиешле аңлатма биреп торды.
    Финалга җиткәч, үлчәү авырлык­ларының барсында да көрәш кызганнан-кыза барды һәм иң югары дәрәҗәсенә җитте. Әмма Радик Мохтаров һәм спорт ветераны Ра­вил Гыйматдиновның Сабан ­туе-2016ның абсолют батыры исеменә көрәшүләре иң мавыктыргычлысы булды. Көчле ыргылышта тәҗ­рибәне яшьлек җиңде.
    Үтәмештә яшәүче Радик Мохтаров абсолют батыр дип танылды, батыр асты - Равил Гыйматдинов.
    Яшь батыр Илшат Сәйпиев киләчәктә абсолют батыр булырга вәгъдә итте, ә батыр асты калган Илнар Бикмуллин - ныклап шөгыльләнергә һәм мактаулы беренче урынны алырга.
    Үз үлчәү авырлыкларында җиңүчеләрнең барсы да район башлыгы Рәмис Сафиуллов кулыннан грамоталар һәм кыйммәтле бүләкләр алдылар, ә Радик Мохтаровның иңбашына матур гадәт буенча тәкә салдылар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: