Төзәлергә өмет бар

(Тәтеш, 11 июнь, "Тәтеш таннары"). – Кайчагында элеккеге хөкем ителгән кеше 5, 10, 15 ел утырып чыкканнан соң, хәзерге дөньяда яши һәм яраклаша алмый. Кайчагында аңа беркая да барырга урын юк, бәлки, якыннарыннан беркем дә юк, һәм без барыбыз бергә кешегә ярдәм итә алабыз, – ди Россия Җәзаларны үтәтү федераль хезмәтенең ТР буенча идарәсе Буа филиалының өлкән инспекторы эчке хезмәт капитаны Елена Михайлова. – Моның өчен чит кешенең язмышына битараф булмаска гына кирәк.

Җинаять-башкарма инспекциянең бурычлары – кабат җинаятьчелекне кисәтү, хөкем ителүчеләрнең җәмгыятьтән изоляциясез үз-үзләрен тотышын контрольдә тоту, элеккеге тоткыннарга гадәти тормыш шартларына яраклашуга ярдәм итү.

– Без Тәтеш районы хакимияте белән тыгыз элемтәдә эшлибез. Безнең район башлыгы Рәмис Сафиуллов һәр катлаулы тормыш хәлендә калган иректән мәхрүм итү урыннарыннан азат ителгән кешеләргә игътибарын җәлеп итә, – дип дәвам итә Елена Маратовна. – Рәмис Хатыйпович авыр тормыш хәлендә калган утырып чыгучыларга булышырга тырыша: торак, эшкә урнашу, алкогольле бәйлелектән дәвалау мәсьәләсе дә читтә калмый. Һәм монда иң мөһиме – иректән мәхрүм итү урыннарыннан азат ителгән затларның “бөтен нәрсә әзер”гә чыкмавын аңларга, аларга яхшырак буласы килсен өчен яшәргә мөмкинлек кенә бирәләр.

Елена Михайлова хәбәр иткәнчә, ел дәвамында “Татарстан” агрофирмасы җитәкчесе Айрат Халитов җәзаны үтәгән ир-атка ярдәм итә.

– Җитәкчелек ярдәме белән элеккеге хөкем ителгән кеше торак белән тәэмин ителгән һәм эшкә урнаштырылган. Ялгышкан кешегә ярдәм кулы сузу – лаеклы кешенең гамәле, – ди Елена Маратовна. – Шулай ук тәтешле Виталий Горюнов та ярдәмгә мохтаҗ кешеләр язмышына битараф түгел. Ул элек хөкем ителгәннәргә азык-төлек җыелмалары тапшырды.

Шулай да шунысын да билгеләп үтәргә кирәк, иректән мәхрүм итү урыннарыннан кайтканнан соң тернәкләндерүнең уңышлы булуы элеккеге хөкем ителүченең үзенә, характерының ныклыгына тулысынча бәйле.

Россия Җәзаларны үтәтү федераль хезмәтенең ТР буенча идарәсе УИИ ФКУ филиалында (Тәтеш территориясендә) 57 хөкем ителүче исәптә тора, аларның 6сы иректән мәхрүм итү урыннарыннан азат ителгән.